Nakon vijesti da je fudbaler Hakimi prepisao svu imovinu na majku, te da nema ništa u vlasištvu na svoje ime, te da mu je supruga duža pola svoje imovine, korisnici društvenih mreža ne prestaju da komentarišu ovaj potez.
Foto: Instagram @karleusastar
Jelena Karleuša nije mogla a da ne iznese svoje mišljenje, te se dotakla teme razvoda i ‘’nesretnih’’ muškaraca.
– Šta se desilo sa našim nesretnim muškarcima? Vidim, toliko oduševljenje ovim Hakijimijem, što je, kako kažu mediji, sva primanja od kluba prepisao majci, pa njegova supruga neće dobiti ni cent pri razvodu… Da usput dodamo da je njegova supruga (i majka njihove djece) podnijela zahtjev za razvod zbog tužbe za silovanje, koju je protiv njenog muža podnijela djevojka od 24 godine, započela je Jelena.
– Čak i da djevojku nije silovao, svakako je bio sa njom i to niko ne spori. Supruga podnosi zahtjev za razvod, što bi mnoge žene učinile, i? Šta se dešava? Kreće najveća laž i budalaština svjetskih medija, ujedno i naših, da je Hakimi svu imovinu i platu davao svojoj mami. Gospodo, (a i dame, da vas naučim), plata ne može da se daje nikom drugom sem onom koji je zarađuje. Po zakonu. Po zakonu, on na to plaća porez. Na zaradu. Ne njegova mama. Da li je on poslije pare prebacivao mami, Bogu ili nekom trećem, potpuno je nebitno. Po zakonu, to se vodi kao njegova zarada i za svaku transakciju postoji trag i plaća se porez. Razumijete?! – oštro počinje Karleuša u svom saoštenju i nastavlja.
– Dalje, po zakonu, kad si u braku, sem ako postoji predbračni ugovor, supružnici sve stečeno u braku dijele na dva jednaka dijela. To vam je, braćo, zakon. Džaba se veselite i njegovu suprugu i majku njegove djece nazivate ku*vom i sponzorušom (?!). Njegova supruga će dobiti sve po zakonu, a on će vjerovatno ići u zatvor zbog silovanja.
– E sad, lik je toliko ružan, da vjerujem da je morao da siluje. Dalje, lik je takav da treba sve pare da da svojoj ženi i djeci, jer ih on, kao takav bijednik, ne zaslužuje. Neko ko siluje, vara i ne voli svoju porodicu, neko ko od svoje djece sakriva pare, umjesto da im ponosno da sve, po meni je bijednik, a bijednici ste i vi, braćo muškarci, koji takvom klošaru tapšete – dodala je Karleuša.
– Kad je riječ o majci tog Hakimija, zamislite, ona je svog sina vaspitala tako. Kako? Pa da siluje, vara i hoće da ostavi djecu bez ičega. Divna baka svojim unucima, zar ne? Ali nije ni bitan ovdje ružan Hakimi, odraće ga žena kao mačku, i treba. Meni ste ovdje poenta vi, dragi muškarci. E, zbog vas takvih, jadnih, nečasnih, sebičnih, samoživih, žene danas nisu sretne, brakovi ne opstaju, žene se tuku i žene ubijaju. Vi ste svi postali ženomrsci! I zato, marš kod mame koja vas je tako vaspitala. A vi, žene, pamet u glavu, ako muško ne pruža sve vama i vašoj djeci bez pogovora, ako se majka miješa u finansije i brak – šutnite ga odmah! I onako dolazi vrijeme kada će se muškarci koristiti samo kao donatori sperme u budućem svijetu svjesnih jakih žena – zaključila je Karleuša.